மார்ச் 15-ல் சென்னையில் அரும்பாக்கத்தில் உள்ள அறிஞர் அண்ணா அரசினர் இந்திய மருத்துவமனையில் கிரேக்க-அரேபிய வைத்திய முறையான உலக யுனானி தின விழா நடைபெற்றது.
மார்ச் 16-ல் “எண்ணும் எழுத்தும்” திட்டத்தால் குழந்தைகளை, ஆசிரியர்களிடம் ஏற்பட்டுள்ள தாக்கத்தை பொதுமக்கள் பெற்றோரிடையே எடுத்துச் செல்லும் வகையில் “எண்ணும் எழுத்தும் கற்றலைக் கொண்டாடுவோம்” என்ற தலைப்பிலான சிறப்பு நிகழ்ச்சிகள் தொடங்கவுள்ளது.
2022-ல் “எண்ணும் எழுத்தும்” திட்டம் தமிழகத்தில் குழந்தைகளுக்கிடையே ஏற்பட்ட கற்றல் இடைவெளிக்கு தீர்வு காணும் விதமாக தொடங்கப்பட்டது.
இத்திட்டத்தின் நோக்கம் 8 வயதுக்கு உள்பட்ட அனைத்து குழந்தைகளும் 2025-ஆம் ஆண்டுக்குள் அடிப்படை எழுத்தறிவு மற்றும் எண்ணறிவை பெற வேண்டும் என்பதாகும்.
மார்ச் 16-21ம் தேதி வரை அனைத்து மாவட்டங்களிலும் “எண்ணும் எழுத்தும் கற்றலைக் கொண்டாடுவோம்” என்ற தலைப்பிலான நிகழ்வுகளை நடத்த பள்ளிக் கல்வித்துறை திட்டமிட்டுள்ளது.
சென்னையில் போக்குவரத்து நெரிசல்களைக் கண்காணிக்க “ட்ரோன்” பயன்படுத்துகிறது
சென்னையில் உலக நுகர்வோர் உரிமைகள் தினத்தை (மார்ச் 15) முன்னிட்டு தங்கம், வெள்ளி பொருள்களுக்கான ஹால்மார்க் விழிப்புணர்வு நிகழ்ச்சி நடைபெற்றது.
சென்னையில் ரூ.69,180 கோடி செலவில் 118.9 கி.மீ. நீளத்திற்கு 2வது கட்ட மெட்ரோ ரயில் பணிகள் மிக வேகமாக நடைபெற்று வருகின்றன.
வண்டலூர் கிரசன்ட் உயர் தொழில் நுட்பக் கல்வி வளாகத்தில் மத்திய அரசின் தகவல் தொழில் நுட்பத்துறை சார்பில் “ஜி20 டிஜிட்டல் இந்தியா கூட்டமைப்பு கருத்தரங்கு” நடைபெற்றுள்ளது.
மார்ச் 15 இஸ்லாமியர்கள் மீதான வெறுப்புணர்வை எதிர்த்துப் போராடுவதற்கான உலக நாளாக கடைபிடிக்கப்படுகிறது.
தமிழகத்தில் 17,000 சாலை விபத்துகளும், 19,000 தற்கொலைகளும் பதிவாகியுள்ளன.
“இன்னுயிர் காப்போம் நம்மை காக்கும் 48” (2021) திட்டத்தின் கீழ் அதிக விபத்துக்கள் நிகழும் 500-க்கும் மேற்பட்ட இடங்கள் கண்டறியப்பட்டு அதனருகில் இருக்கும் 679 மருத்துவமனைகளில் உடனடியாக விபத்து சிகிச்சை அளிக்க நடவடிக்கை எடுக்கப்பட்டுள்ளது.
முதல் 48 மணி நேரத்தில் அளிக்கப்படும் சிகிச்சைகளுக்கு அரசே ரூ.1லட்சம் வரை வழங்கும் வகையில் திட்டம் தொடங்கப்பட்டுள்ளது.
22 டிசம்பர் 2022-ல் தொடங்கிய “மனம்” எனும் திட்டத்தின் கீழ் அரசு மருத்துவக் கல்லூரிகளில் மாணவர்களுக்கு மனநல ஆலோசனைகள் வழங்கப்பட்டு வருகின்றன.
2019-ல் வெளியான “சூரிய வம்சம் – நினைவலைகள்” என்ற நூலுக்காக எழுத்தாளர் சிவசங்கரிக்கு 2022-ம் ஆண்டுக்கான “சரஸ்வதி சம்மான்” விருது அறிவிக்கப்பட்டுள்ளது.
தமிழில் ஏற்கனவே இந்திரா பார்த்தசாரதி, அ.அ. மணவாளன் ஆகியோர் இவ்விருதினை பெற்றுள்ளனர்
1991-ஆம் ஆண்டு முதல் கே.கே.பிர்லா அறக்கட்டளை சார்பில் சரஸ்வதி சம்மான் விருது வழங்கப்பட்டு வருகிறது.
பசுமை நெடுஞ்சாலை கொள்கையின் (2015) கீழ் கடந்த 2016 முதல் 2023 பிப்ரவரி வரையில் 3.44 கோடி மரங்கள், தேசிய நெடுஞ்சாலை ஆணையத்தால் நடப்பட்டுள்ளன என்று மத்திய அமைச்சர் நிதின் கட்கரி தெரிவித்துள்ளார்.
இக்கொள்கையில் மரக்கன்றுகள் நடுதல், மரங்களை இடம் மாற்றி நடுதல், அழகுபடுத்துதல் மற்றும் பராமரிப்பு ஆகியவை அடங்கும்.
மார்ச் 15ல் தில்லியில் நடைபெற்ற இந்திய தொழிலக கூட்டமைப்பின் (சிஐஐ) கூட்டுறவு உச்சி மாநாட்டில் மத்திய சுகாதாரத்துறை அமைச்சர் மன்சுக் மாண்டவியா கலந்து கொண்டார்.
“ஒரே பூமி, ஓரே ஆரோக்கியம்” என்ற தொலை நோக்கு பார்வையுடன், ஒட்டு மொத்த உலகின் ஆரோக்கியதுக்காக ஒருங்கிணைந்த அணுகுமுறை அவசியம். இந்த விஷயத்தில் “வசுதைவ குடும்பகம்” என்ற தத்துவத்துடன் இந்தியா முன்னிலையில் வகிக்கும் நேரமிது என்று தெரிவித்துள்ளார்.
பஞ்சாப் மாநிலம் அமிருதசரஸில் ஜி20 நாடுகள் பங்கேற்கும் கல்வித்துறை தொடர்பான கூட்டம் நடைபெறுகிறது.
சீனா, இந்தியா, கஜகஸ்தான், கிர்கிஸ்தான், ரஷியா, பாகிஸ்தான், தஜிகிஸ்தான், உஸ்பெகிஸ்தான் ஆகிய நாடுகள் இடம் பெற்றுள்ள ஷாங்காய் ஒத்துழைப்பு அமைப்பின் உறுப்பு நாடுகளின் பாதுகாப்புத்துறை அமைச்சர்கள் கலந்துரையாடும் கூட்டம் தில்லியில் ஏப்ரல் 28-ல்நடத்தப்பட உள்ளது.
ஷாங்காய் ஒத்துழைப்பு அமைப்பின் தலைமையை இந்தியா 2022 செப்டம்பரில் ஏற்றது.
இந்தியா, ஜப்பான், அமெரிக்கா இணைந்து நடத்தும் மலபார் கடற்படைப் பயிற்சியை ஆஸ்திரேலியாவும் இணைந்து நடத்த உள்ளதாக ஆஸ்திரேலிய பிரதமர் ஆல்பேனசின் தெரிவித்துள்ளார்.
52 வயதான எரிக்கார்செட்டி இந்தியாவுக்கான அமெரிக்க தூதராக நியமனம் செய்யப்பட உள்ளார்.
இந்தியாவுக்கான தூதராக இருந்த கென்னத் ஜஸ்டர் 2021-ல் பதவி விலகினார்
இந்தியா 3-வது முறையாக நடத்தும் உள்ள மகளிருக்கான 13வது உலக குத்துச்சண்டை சாம்பியன்ஷிப் மார்ச் 16-ல் தில்லியில் தொடங்குகிறது.