திருக்குற்றால குறவஞ்சி – Thirukurala Kuravanchi
| நூல் | திருக்குற்றால குறவஞ்சி |
| ஆசிரியர் | திரிகூட ராசப்பக்கவிராயர் |
| சமயம் | சைவம் |
நூற்குறிப்பு
- குறவஞ்சி என்பது ஒரு வகை நாடக இலக்கிய வடிவமாகும்.
- சிற்றிலக்கிய வகைகளின் ஒன்று.
- பாட்டுடைத் தலைவன் உலா வரக்கண்ட தலைவி, அத்தலைவன் மீது காதல் கொள்ள, குறவர் குலத்தை சேர்ந்த பெண்ணொருத்தி தலைவிக்கு குறிகூறப் பரிசில் பெறும் செய்திகளைக் கூறுவதால் குறவஞ்சி என்னும் பெயர் பெற்றது.
- மேலகரத்தில் பிறந்த திரிகூட ராசப்பக்கவிராயர் இதன் ஆசிரியர்
- “திருக்குற்றாலநாதர் கோவில் வித்துவான்” என்ற பட்டப்பெயர் பெற்றவர்.
- திருகூட ராசப்பக் கவிராயரின் “கவிதைக் கீரிடம்” என்று போற்றப்பட்டது.
- குறவஞ்சி நாடகம், குறத்தி பாட்டு என்ற பெயரும் உண்டு.
- முத்துவிஜயரங்க சொக்கநாத நாயக்கர் காலத்தில் குற்றாலநாதர் (சிவன்) முன்பு அரங்கேற்றப்பட்டது.
- இது அகநூலாக இருப்பினும் தலைவன் தலைவியின் பெயர்களைக் கூறுகிறது.
- “கடவுள்மாட்டு மானிடப் பெண்கள் நயந்த பக்கம்” என்பதற்குச் சான்றாகத் திகழும் நூல்.
- கட்டினும் கழங்கினும் – என்பதன் அடிப்படையில் தோன்றியது.
- திரிகூடநாதர் பவனிவருதல் – வசந்தவல்லி பந்தாடுதல் – வசந்தவல்லி சிவனைக் கண்டு காதல் கொள்ளதல் – வசந்தவல்லியின் கால் துன்பம் – குறத்தி (சிங்கி) வருதல், மலைவளம் கூறுதல் – வசந்தவல்லிக்கு குறி சொல்லதல் – வசந்தவல்லியின் மகிழ்ச்சி – குறவன் (சிங்கன்) குறத்தியைத் தேடிவருதல் – இருவரும் சந்தித்தல் எனக் கதை செல்கிறது,
- முதல் குறவஞ்சி நூல். இயற்றமிழ், இசைத்தமிழ் இரண்டும் கலந்தது.
- பல வகைப் பாக்களும், பாவினங்களும் கலந்த நூல்
- இனிய ஓசை நயமும் சிறந்த கற்பனையும் உடைய நூல்
மேற்கோள்
| “ஒடக் காண்பது பூம்புனல் வெள்ளம்
ஒடுங்கக் காண்பது யோகியர் உள்ளம் வாடக் காண்பது மின்னார் மருங்கு வருந்தக் காண்பது சூல்உளைச் சங்கு போடக் காண்பது பூமியில் வித்து புலம்பக் காண்பது கிண்கிணிக் கொத்து” – எனக் குற்றாலத்தின் சிறப்புக் கூறப்படுகிறது. |
| “வானரங்கள் கனிகொடுத்த மந்தியொடு கொஞ்சம்
மந்திசிந்து கனிகளுக்கு வான்கவிகள் கெஞ்சும்” – எனக் குற்றால மலைவளம் கூறப்படுகிறது. |
| “செங்கையில் வண்டு கலின்கலின் என்று செயம்செயம் என்றாட
இடை சங்கதம் என்று சிலம்புபுலம்பொட தண்டை கலந்தாட” – என வசந்தவல்லி பந்தாடிய சிறப்புக் கூறப்படுகிறது. |
| “அஞ்சுதலைக்குள் ஆறுதலை வைத்தார் எனது மனத்தின்
அஞ்சுதலுக்கு ஓர் ஆறுதலை வையார்” – எனச் சொல்லழகு கொண்டுள்ளது. |
| வானரங்கள் கனிகொடுத்து மந்தியொடு கொஞ்சும் மந்திசிந்து கனிகளுக்கு வான்கவிகள் கெஞ்சும் – குற்றாலக் குறவஞ்சி |
- தமிழரசி குறவஞ்சி – வரதநஞ்சையப்ப பிள்ளை
- வேதநாயக சாஸ்திரி – பெத்தலகமே குறவஞ்சி
